#النحو_ومسائله
المادة ظريفة و ممتعة و مفيدة كتير، بس لا حدا يسأل شو مهم و شو متوقع دكتور متل فلفل بيجيب من كل المحاضرات يعني بتكون الأسئلة شاملة.
#المسائل
طريقة دراسة المسألة أول شي تفهم الخلاف العام يعني كل فريق مع أي اتجاه و هاد أمر مهم كتير يعني باختصار تفهم لب المشكلة.
بعدين بدك تحاول تفهم حجج كل فريق و شواهدهن هي أهم شي لانه بيجي سؤال عليهن، و حفظ التعداد أمر مهم لانه بيجي سؤال عليهن ديما.
بعدما تحفظ رأي الطرف الأول الي هو الكوفيين حاول انت تقيم رأيهن يعني أتت حكم رأيك انه شغلهن صح ام لا و هي العملية مهمة منشان اولا ما تنسى ثانيا بتكون شخصيتك المستقلة "بإمكانك تستخف بالكلام هاد و تعتبره فزلكة".
بعدين بتعيد الخطوة نفسها مع البصريين.
اسئلة هاد القسم صح و خطأ، شواهد، تعداد و نظري.
#الأدوات...
دراستهن نفس هداك الفصل تماما و نفس طريقة الاسئلة، بحب ذكركن بضرورة بصم الشواهد بصم كامل مع فهم كل حيثياتهن.
المادة على سهولتها الا انه بتحتاج صراحة لعقل نير أكتر من تاريخ النحو لانه هون في مسائل و أخذ و رد، و صراحة هون الجمال.
إذا في فقرة مو واضحة سلوني عنها.
#حُسَين_حلبي ✌
