مساء الخيرات للجميع
بما إنو بدأ الفصل التاني رح دردش أنا وإنتو عن مواد الفصل التاني ومنبدأ أولاً مع:
رح يكون امتداد للفصل الأول من الناحية التاريخية ورح تكملوا بالتعرف على الفنون الجديدة يلي طرأت على الشعر وأبيات جديدة لشعراء هداك العصر الذهبي ومدى الإبداع في بعضها وتكلفهم ببعضها الآخر وبهالرحلة إن شاء الله رح توقفوا بمحطة النثر وكيف كانت بصمة الشعراء العباسيين فيه وكالعادة رح يكون الكن جني لثمار التحليل متل الفصل الأول مع حلقة بحث بتدعمكن بالنظري.
رح تكملوا هاد الفصل إن شاء الله بقضايا نقدية جديدة موزعة بين تعريفات وأعلام وأبيات شعرية مابين تطبيق ونظري بنفس نموذج الفصل الأول.
مادة ماتعة رح تتناولوا فيها طريقة طرح النثر في العصر الأندلسي وظهور أنواع جديدة إلو بهاد العصركالزرزوريات والمناظرات وغيرها... ورح تحفظوا شواهد نثرية تدعم هذه الأفكار النظرية والتي أضفت الكثير والكثير للغة ورح يكون في إلها قسم تحليل رح تتعرفوا على طريقتو مع دكتورة المادة إن شاء الله.
وهي مادة جميلة هالفصل بصراحة رح تحكوا فيها عن قضايا تخص اللغة واللسان والكلام وأصولو ورح تتعرفوا على آراء العرب والغرب وأقوالهم بهي المسائل.
مادة مقسمة لأدوات ونظري ورح تتعرفوا بالقسم النظري على مسائل متعلقة بالنحو وآراء كل من البصريين والكوفيين فيها وبالنسبة للأدوات فمتل الفصل الأول رح تتناولوا الأداة ومعناها وخروجها لمعاني تانية والمادة طبعاً إلها حلقة بحث بتدعمكن بالنظري.
وهي طبعاً بتختلف بحسب اختياركم بين الفرنسي والانكليزي بس يلي بدو يختار الانكليزي فرح تتناولوا فيه قواعد متنوعة وجديدة كقاعدة الصفات الطويلة والمبني للمجهول وغيرها...وعدد من النصوص والتمرينات.
توفيقات كتار ترافقكن
ليست هناك تعليقات:
اضافة تعليق